Day 1
Tannersville, PA﹕The Crossings Premium Outlets
今日一早七點由多倫多出發﹐兩個鐘頭後就到Fort Erie﹐經Peace Bridge過美國境。幾個鐘頭後去到休息站食午餐。餐後隨即趕往位於Tannersville嘅The Crossings Premium Outlets。今次去比上年十二月去多好多人。去之前已經睇咗地圖所以一去到就知要去邊間鋪。因為最近美國經濟差﹐所以價錢比平時仲要平。
晚餐於outlet內個food court。我叫咗塊pizza﹐簿到企都企唔起﹐但係加埋一樽Arizona green tea都係六個幾美金。
晚上入住新澤西州內Parsippany嘅希爾頓酒店(Hilton Hotel)。當晚酒店內正在舉辦Star Trek Convention﹐有多位明星在場﹐包括Kate Mulgrew﹐Connor Trinneer﹐John Billingsley﹐等...。間酒店唔錯﹐我游完水就落去個商務中心上網。
Day 2
New York, NY﹕世貿遺址﹐洛克菲勒中心﹐聖博德主教座堂﹐第五大道﹐華爾街﹐自由神像﹐時代廣場﹐百老匯
Atlantic City, NJ﹕The Walk Outlets, The Pier Shops At Caesars, Boardwalk, Trump Taj Mahal Casino Resort
一早出發參觀世貿﹐但係周圍都圍住布﹐冇乜嘢好睇。好似幾年後就會起好幾棟商業大夏。
華爾街(Wall Street)就係美國嘅金融中心。除咗紐約證券交易所仲係好多大銀行嘅總部所在。
下一站就係洛克菲勒中心 (Rockefeller Centre)。洛克菲勒係一位有錢人﹐當年捐咗好多錢起聯合國大樓。
離洛克菲勒中心不遠嘅就係聖博德主教座堂(St. Patrick's Cathedral)﹐呢間係全美國最大嘅哥德式天主教堂之一。當我入到去嘅時候﹐朝早九點主日彌撒岩岩開始。真風琴比電子風琴真係好聽好多。最後點咗支蠟燭先走。 [video]
第五大道(Fifth Avenue)好多唔同嘅名店﹐AX﹐Juicy﹐等...。
由於落雨嘅關係﹐影完相就入返去洛克菲勒中心下面食早餐﹕西多士﹐炒蛋﹐班戟。
早餐後就去遊船河睇法國送比美國嘅禮物 - 自由神像(Statue of Liberty)。遊船係因賞紐約市最好嘅方法﹐因為船上可見到沿岸嘅唔同建築物。 [video]
下一站就係世界著名嘅時代廣場(Times Square)。當日有巡遊所以周圍都好多人﹐又有好多人排隊買歌劇入場卷。 [video]
因為落雨所以就入去三層高嘅M&M店度避雨。入面有好多平時出面冇嘅顏色嘅M&M賣﹐仲有唔同味道嘅M&M﹐又有好多M&M嘅記念品賣。啲嘢都幾貴所以最後都冇買嘢。
去完M&M店就去Hershey's店。相比下Hershey's就好細﹐比起加拿大尼亞加拉大瀑布的還要細。我就係度買咗$14四包唔同味嘅朱古力。
午餐喺時代廣場一間自助餐廳度食。呢度特別在你揀嘢食之後成盒磅重﹐價錢段磅計﹐我食咗$10。啲生果又甜又新鮮﹗
午餐後就去大西洋城(Atlantic City)。一個多鐘頭就到達酒店﹐今晚住宿係太煌城印度神官賭場酒店(Trump Taj Mahal Casino Resort)。Check-in完一上房洗個面就落去搭的士去The Walk Outlets - 大西洋城全新嘅outlet。原來喺大西洋城搭的士去任何地方都唔會超過$13。因為搭巴士都$2.5一個人﹐所以五個人搭的士仲低﹐最係加埋小費都係$12。呢度有好多名店﹐值得一去。
附近有一間全新嘅名牌購物中心 - The Pier Shops At Caesars。入面好靚﹐但係好多鋪頭已經開始關門。
行完街就行去隔離個沙灘﹐太陽開始落山﹐望見個大西洋真係好靚﹗[video]
沿住沙灘就係著名嘅木長堤(Boardwalk)﹐長堤嘅另一面就係多間大型賭場﹐餐廳﹐小食店﹐等...。但係啲小食一啲都唔平﹐$9一份炸魚餐﹐仲要喺街邊食。 [video]
行大概半個鐘頭就返到酒店。
對面就係機動遊樂場 - Steel Pier。
酒點後門有精彩嘅電單車表演。 [video]
晚餐係酒店內食自助餐﹐唔算太貴﹐$25一位。有好多唔同種類嘅海鮮。最好味就係燒牛扒﹐個大廚cook-to-order﹐我要medium rare 佢就用手指按落塊扒測試彈性。塊扒充滿碳燒嘅香味﹐又香又juicy﹗
食完就落去賭場玩一玩﹐贏少少就即時離場。聽講個老細Donald Trump八月中就會派利是﹐張啲老虎機贏嘅機率調高。跟住就上房休息﹐間房都算幾豪華﹐但係唔新。
Day 3
Philadelphia, PA﹕獨立宮﹐自由鍾﹐美國鑄幣廠
Washington, DC﹕國會山莊﹐自然歷史博物館﹐航空太空博物館﹐華盛頓紀念碑﹐白宮﹐傑佛遜紀念堂﹐林肯紀念堂﹐韓戰紀念碑﹐越戰紀念碑
Baltimore, MD﹕漁人碼頭
一早離開酒店前往費城(Philadelphia)﹐於市中心用早餐。
餐後步行到附近參觀獨立宮(Independence Hall)。
跟住就去隔離嘅自由鐘(Liberty Bell)﹐免費入場但係入去就要排隊大概五分鐘等保安檢查。入面其實冇乜嘢﹐有幾塊牌介紹自由鐘嘅歷史﹐當然仲有呢個裂咗嘅自由鐘。
費城嘅最後一個景點就係美國鑄幣廠(United States Mint)﹐美金就喺呢度印製。
之後前往美國首都華盛頓(Washington)。第一站就係國會山莊(Capitol)。
呢度附近有十幾間博物館﹐史密森尼(Smithsonian Institution)係全世界最大嘅博物院。由於時間有限﹐我只係參觀咗其中兩間。第一間就係自然歷史博物館(National Museum of Natural History)。
館內最出名嘅就係希望鑽石(Hope Diamond)。呢粒鑽石喺幾百年內經過好幾位皇室同埋富商嘅手﹐個個都冇好下場﹐最後捐到博物館。聽講同呢粒鑽石影過相嘅人都會行衰運﹐寧可信其有所以我睇完就算喇。館來仲有好多寶石﹐恐龍﹐同其他有趣嘅展品﹐絕對值得參觀。
另一間值得去嘅博物館就係航空太空博物館(National Air and Space Museum)。絕對適合喜愛飛機嘅朋友。
入面有現代及以前嘅民航機﹐軍機﹐同埋太空船。其中我最鐘意嘅就係呢架西北航空退役嘅波音747客機﹐我更係有排對入去參觀機艙啦﹗
一定要睇嘅就係由美國太空人從月球帶回地球嘅月球石(Moon Rock)。可能因為太多人摸過﹐所以粒石比我想像中滑。
最多人買嘅記念品就係太空食物。一包大概$5美金﹐我買咗一袋$18美金﹐入面有兩包雪糕﹐兩包餅﹐同埋一包士多啤梨。包雪糕係拿破崙味(即雲呢拿﹐朱古力﹐士多啤梨)﹐冇需雪藏﹐打開係乾嘅﹐食落去好似可立克糖。
博物館外有一大片草地(National Mall)﹐可以清楚睇到華盛頓紀念碑(Washington Monument)﹐記念美國首任總統。
附近就係美國總統住嘅白宮(White House)。
唔係好遠有傑佛遜紀念堂(Jefferson Memorial)﹐記念美國第三任總統 - Thomas Jefferson。
附近仲有林肯紀念堂(Lincoln Memorial)﹐記念美國第十六任總統 - Abraham Lincoln。如果唔想行咁多級樓梯﹐行幾級到中層﹐左邊有電梯上石像個層。
由林肯紀念堂望出去就見到好靚嘅反映池(Reflection Pool)﹐見到華盛頓紀念碑個反映。
反映池附近就係韓戰紀念碑(Korean War Veterans Memorial)。
附近又有越戰紀念碑(Vietnam Veterans Memorial)。
晚餐後前往巴爾的摩(Baltimore)入住市中心全新嘅希爾頓酒店(Hilton Hotel)。
Check-in後就由酒店步行十分鐘至漁人碼頭(Inner Harbor)。
呢到有好大個建築物(Light Street Food Hall)以餐廳為主﹐有好多海鮮食。
我就喺呢間餅店買咗半個芝士蛋糕返酒店食﹐半個都係$13﹗
返到酒店食完蛋糕﹐遊完水就訓覺。
Day 4
Central Hall, PA﹕鐘乳石洞
一早起程﹐經過三個鐘頭車程就到鐘乳石洞(Penn's Cave)。坐小木船參觀石洞內嘅鐘乳石。
洞裡面黑到咩都睇唔到﹐只有少少燈光照住唔同嘅鐘乳石。有專人講解每塊石似咩﹐有神像﹐獅子﹐心型﹐等...。
洞口出黎嘅景色好靚。
呢到個山景好靚。
個洞附近有一塊太陽花田﹗
下午到達康寧市(Corning) - 康寧玻璃嘅總部。喺Bob Evans食午餐﹐我叫咗份全日早餐(炒蛋﹐腸仔﹐同埋班戟)﹐都係$5美金。
午餐後就開始啟程返多倫多﹐途經免稅店。由尼亞加拉大瀑布﹐經彩虹橋過加拿大邊境。
【完】
