< photos >
一早乘地鐵往迪士尼。到既時候差唔多十一 點﹐已有好多人係門口排隊賣飛。今日係星期一但係都好多人﹐主要係D 大陸自由行。香港迪士尼樂園地方真係細 ﹐好快就可以行完四個景區: 美國小鎮大街﹐幻想世界﹐明日世界﹐探險世界。唔夠時間玩晒全部野因為中午周圍都有好多人排隊。「瘋帽子旋轉杯」係我第一樣玩既因為無乜人排隊﹐呢個遊戲 唔刺激但係旋轉到我作悶相嘔﹐玩完令我暈到要坐底休息。「小飛象旋轉世界」可以係上面欣嘗下風景。「迪士尼樂園鐵路」其實個概念幾好﹐可以令乘客坐火車遊 覽整個公園﹐可惜火車原路好多時都有樹遮著景觀。「驚心動魄太空山」幾好玩﹐出黎睇返自己張相幾覺笑。排左超過一句鐘先玩到「馳車天地」﹐唔係唔好玩﹐但 係如果要等多過半句鐘就唔係好值。「森林河流之旅」幾得意﹐岩小朋友因為原途有工作人員扮演角飾同你講野帶你坐船穿梭森林。「動畫藝術教室」內有人教你畫 迪士尼卡通人物﹐畫完帶返屋企留念。「米奇幻想曲」﹐帶3D鏡感覺戲中既人物好似係你前面﹗我覺得最特別都係個泰山樹屋因為D景整得唔錯。個巡遊表演幾值 得睇﹐我幾鐘意首歌。
夜晚係 “Corner Cafe” 到食﹐D食物唔係好店但價錢唔算貴。最得意係個 Caesar Salad 裏面有D米奇老鼠型既Croutons。最後睇完煙花就走。個煙花表演又係好值得睇﹐雖然唔係好宏偉但係 D 音樂配合得好好﹐睇到好有 feel。
